Енергоатом: Руската армија ја нападна нуклеарната централа во регионот на Николаев

Украинската државна компанија за атомска енергија Енергоатом денеска соопшти дека руската армија ја нападнала нуклеарната централа Јужноукраинска во јужниот регион Николаев.

Енергоатом наведува дека реакторите не се оштетени и работат нормално, пренесе „Ројтерс“.

Експлозијата се случила на околу 300 метри од реакторот, но, како што се додава, оштетени се околните згради на електраната, позната и како Пивденоукраинска. Во нападот е оштетена и блиската хидроцентрала и далноводи.