Аналитичарот на „Standard & Poor`s“ Пјер Готје вели дека словенечката централна банка со одлуката за ликвидација на две банки покажала одлучност да ја реши банкарската криза. Словенечкиот банкарски систем според мислењето на „Standard & Poor`s“ е во лоша состојба, слично како и банкарскиот систем во Казахстан.
– Проблемот во Словенија се државните банки кои претставуваат речиси половина од вкупната актива, оценува Готје.
Помалку проблематични се приватните банки, со исклучок на две многу мали банки. Во „Standard & Poor`s“ предвидуваат дека Словенија, но и останатите источноевропски држави, според потребите ќе им понудат помош на своите системски важни банки.
Банките во Чешка и Словачка, според мислењето на „Standard & Poor`s“, не се далеку од австриските, француските и холандските.
– Тие се стабилни и во наредните две години не треба да се очекуваат промени, изјави Готје.
Полските банки според тежината на проблемите кои ги имаат се сместени на средина на листата.
