Невработеноста продолжува да расте во Грција која е погодена од рецесија, таа во јуни достигна рекордни 27,9 проценти, соопшти грчкиот Завод за статистика.
Невработеноста меѓу младите до 25 години порасна на 58,8 проценти.
Тоа е значителен раст во однос на минатогодишните 24,6 проценти, додека во јуни 2008 година, пред појавувањето на глобалната финансиска криза која предизвика рецесија во Грција, стапката на невработеност во оваа земја изнесуваше 7,3 проценти, пренесува агенцијата АП.
Според најновите податоци, во Грција се невработени околу 1,4 милиони лица.
