Европските земји можат да ги издржат намалувањата на рускиот гас оваа зима бидејќи проблемите со снабдувањето можеби се „успешно решени“, се вели во анализата на водечката американска банка „Goldman Sachs“.
Аналитичарите на оваа банка проценуваат дека цената на гасот веројатно ќе се намали за повеќе од половина во оваа зима, бидејќи напорите на земјите од ЕУ да избегнат големи недостиг оваа зима се покажаа како ефективни.
Банката очекува европските цени на големопродажниот природен гас да паднат од околу 215 евра за мегават час (MWh) на под 100 евра за мегават час до крајот на првиот квартал од следната година, под претпоставка за нормални зимски временски услови, соопшти банката во објавената проценка. Станува збор за бројка која е значително под претходно предвидените 213 евра по MWh, пренесува „The Guardian“.
Европските земји побрзаа да ги наполнат своите складишта за гас пред зимата, откако рускиот „Газпром“ го прекина снабдувањето, вклучително и преку гасоводот „Северен тек 1“, а избезумената потрага по гас за надополнување на залихите доведе до вртоглаво покачување на големопродажната цена на енергијата. Овој месец „Газпром“ го продолжи прекинот на протокот на гас преку „Северен тек 1“, без да ја спомене временската рамка за негово повторно отворање.
Аналитичарите во „Goldman Sachs“ велат: „Скратувањето на испораките на „Северен тек 1“ на нула на неодредено време ја остава северозападна Европа без никаков руски гас. И додека често го слушаме прашањето какви ќе бидат последиците за складирањето, ние веруваме дека подобар пристап е да се запрашаме што ќе биде импликации на цената за да продолжи да се полни складиштето колку што е потребно. Тоа е загатка што Европа успешно ја реши во текот на изминатата година, со комбинација на намалена побарувачка за гас во Европа и меѓу купувачите (на течен природен гас – ЛНГ) на друго место во светот, што резултира со натпросечно со зголемување на залихите“.
Аналитичарите на „Goldman Sachs“ рекоа дека очекуваат капацитетот за складирање да биде полн во просек 90 проценти до крајот на октомври, што е повисоко од целта од 80 проценти исполнет до 1-ви ноември за целата ЕУ.
