Иако до вчера изгледаше максимално добро на своите години, денеска беше под строг надзор на лекарите, а целото семејство се собра во летната резиденција во Балморал. Дури и Хари и Меган го продолжија престојот во Британија и отпатуваа во Шкотска за да ја видат. Сепак, таа почина.
Некои портали наведуваат дека причина за се потешката здравствена состојба на кралицата може да биде и ракот. Приказните почнаа да кружат пред неколку месеци, кога дел од јавноста се запраша зошто нејзината рака била виолетова кога се сретнала со неколку истакнати личности во Виндзор.
Дали е возраста или нешто друго? Во интервју за една австралиска веб-страница, д-р Габријел Миркин рече дека тоа се всушност модринки кои можат да бидат симптом на леукемија.
„Кај постарите луѓе како неа, модринките не само што укажуваат дека нешто не е во ред со процесот на згрутчување на крвта, туку често се јавуваат како резултат на рак на крвта или малигни заболувања. Леукемијата може да биде причина“, вели д-р Миркин.
Третманот на таквите болести вклучува хемотерапија и зрачење, што би можело да објасни зошто Елизабет се повлече не само од јавноста, туку и од нејзината официјална резиденција, Бакингемската палата, во последните месеци.