Компанијата „Енерџи суфицит“ од Скопје тврди дека развила нова теорија за добивање на енергија, со која по прв пат се докажува дека излезот може да биде поголем од влезот при иста брзина на моторот, што до сега се сметало за невозможно.
Од компанијата велат дека нивниот прототип што е претставен на веб-страницата www.perpetomobilisdiscovered.com е првиот чекор кон реализација на главниот проект за изработка на механизам за придвижување на електрогенераторот, што ќе доведе до производство на далеку поевтина енергија од сегашната.
– Благодарение на иновативниот замаец центрифугалната сила се претвора во активна енергија и во комбинација со другите елементи од прототипот се добива три пати поголема моќ од влезната. Втората генерација ќе биде многу поефикасна и ќе дава за 10 пати поголема моќ од влезната, посочуваат од Energy Suficit.
