Доколку многу земји воведат ограничување на цената на руската нафта, Русија нема да соработува со нив на такви непазарни принципи и ќе извезува енергетски ресурси на други пазари, изјави секретарот на рускиот претседател Дмитриј Песков.
Ова е реакција на очекуваниот состанок на министрите за финансии на Г7 кои денеска ќе се сретнат за да разговараат за поставување на горната граница на цената на руската нафта.
„Можам накратко да потсетам на вчерашната изјава на вицепремиерот Александар Новак. Знаете дека Новак е тој што ги координира контактите со ОПЕК и ОПЕК + во врска со нафтените прашања. Исто така, тој јасно кажа дека земјите кои ќе се приклучат на ова потенцијално ограничување на цената повеќе нема да бидат меѓу примателите на руската нафта“, изјави Песков за новинарите, пренесува Интерфакс.
На прашањето каде Русија ќе извезува нафта во тој случај, Песков одговори дека таа ќе биде испорачана на алтернативните пазари, „до земји кои ги почитуваат пазарните услови“.
Ги има многу повеќе од поранешните (клиенти)“, рече Песков, без да именува ниту една земја.
