Анкета меѓу Русите: Кина најголем пријател, а САД најголем непријател

Повеќе од 50 отсто од анкетираните жители на Русија сметаат дека Кина е најголемиот пријател на Русите. Ова го покажува анкетата на агенцијата за истражување на јавното мислење VCIOM.

Таа покажува дека 55 отсто од испитаниците ја означуваат Кина како нивен најголем пријател, а потоа следуваат Белорусија и Индија. На листата на најдобри пријатели на Руската Федерација се и Турција, Србија, Казахстан и Иран.

Во исто време, две третини од анкетираните веруваат дека САД се најголемиот непријател на Русија.

На листата на најголеми непријатели на Русија се и Украина, Велика Британија, Германија, Полска, Франција и балтичките земји.