Министрите за финансии на развиените западни економии од Групата седум (Г7) планираат во петок да разговараат за воведување ограничувања на цената на руската нафта.
Ограничувањето беше предложено од администрацијата на Бајден, пренесува Ројтерс.
„Ова е најефективниот начин, веруваме, дека силно ќе го погоди приходот на Путин и тоа ќе резултира не само со пад на приходот на Путин од нафтата, туку и со глобалните цени на енергенсите“, рекла портпаролката на Белата куќа, Карин Жан- рече Пјер.
И покрај тоа што рускиот извоз на нафта достигна најниско ниво од минатиот август, нејзината заработка од извозот во јуни се зголеми за 700 милиони долари месечно поради повисоките цени, 40 отсто над минатогодишниот просек, објави минатиот месец Меѓународната агенција за енергија.
Западните лидери предложија да се реши тоа преку ограничување на цената на нафтата за да се ограничи колку рафинериите и трговците можат да платат за руската нафта – потег за кој Москва вели дека нема да се придржува.
Лидерите на Г7 разгледаа и други алтернативи, вклучително и блокирање на испораките на руска нафта.
Г7 се состои од Велика Британија, Канада, Франција, Германија, Италија, Јапонија и САД.
Се огласи Москва
Москва нема намера да испорачува нафта на земјите кои го поддржуваат предлогот за ограничување на цената на руското гориво, изјави вицепремиерот на руската влада Александар Новак.
„Според мене, тоа е целосен апсурд“, рекол Новак, коментирајќи ја иницијативата на земјите членки на Г7 да го претстават споменатиот план, пренесува Спутник.
Како што оценува, обидите за мешање на пазарните механизми во една ваква важна индустрија ќе доведат до дестабилизација и закана за целиот нафтен пазар, што може да доведе до катастрофа во сферата на енергетската безбедност во целиот свет.
„И за тоа, пред сè, ќе платат европските и американските потрошувачи, кои веќе денес плаќаат високи цени поради дестабилизирачките фактори што ги преземаат. Особено, ограничувањата на санкциите“, рече Новак, нагласувајќи дека Русија не планира да работат под непазарни услови.
Истовремено, тој додаде дека руските нафтени компании се подготвуваат за воведување на ембаргото на ЕУ.
„Нашите компании знаат за декември, се подготвуваат за него. Декември сигурно ќе го имаат на ум и затоа се направени сите планови за зачувување на сегашните нивоа“, рече Новак.
