Русија има резерви на гас за наредните сто години, а оваа зима во магацините ќе има рекордни количества гас, изјави извршниот директор на Гаспром Алексеј Милер.
„Нашите руски потрошувачи ќе имаат пристап до евтина енергија. Клучно е да се знае дека домашните потрошувачи имаат добра причина да бидат оптимисти за иднината на снабдувањето со гас. Затоа што имаме резерви за следните 100 години. И знаеме дека некои од нашите полиња во развој ќе бидат оперативни и ќе ја снабдуваат земјата со гас до 2120 година“, рече Милер.
Тој додаде дека таквите показатели овозможуваат изградба на нови капацитети за производство на гас на Јамал, пренесува ТАСС.
„Газпром“ за оваа зима подготвува рекордни залихи на гас во подземните складишта, кои во моментов се полни 92 отсто. Годинава Газпром веќе има произведено повеќе од 288 милијарди кубни метри гас, од кои околу 155 милијарди отишле на домашниот пазар, рече Милер.
