„Bain Capital“ го купува бизнисот со научни инструменти на „Olympus Corp“ за 428 милијарди јени (3,1 милијарди долари), бидејќи јапонската компанија за медицински уреди дополнително се фокусира на здравствената заштита, пренесува „Bloomberg“.
„Olympus“ очекува да ја пренесе единицата на 4-ти јануари и да ги забележи приходите од продажбата во четвртиот квартал од својата фискална година која завршува на 31-ви март, соопшти компанијата.
Продажбата е дел од планот на извршниот директор на „Olympus“, Јасуо Такеучи, да ја насочи компанијата кон здравствената заштита, со цел да стане водечки светски производител на ендоскопи. Поделбата што ја купува „Bain Capital“ се нарекува „Evident“. Таа објави оперативна добивка од 18 милијарди јени на приход од 119 милијарди јени за годината до 31-ви март.
Основана пред еден век, „Olympus“ се стекна со име како еден од водечките јапонски производители на камери и ендоскопи. Таа стана актуелна во 2011-ва година кога новоименуваниот британски извршен директор Мајкл Вудфорд беше отпуштен по откривањето на сметководствените неправилности, што доведе до голем корпоративен скандал што ја оптоваруваше компанијата со години.
Сега индустријата на камери се бори со конкуренцијата на паметни телефони и останаа само неколку играчи. „Olympus“ се обложува на медицински помагала, а неговиот 70% удел на глобалниот пазар на ендоскопи за гастроинтестинални прегледи е нов мотор за неговиот раст.
