Можната дигитална валута во еврозоната, како што ја истражува Европската централна банка (ЕЦБ), би можела да има голем број придобивки како што се олеснување на прекуграничните плаќања и обезбедување сидро за дигиталните валути. Ова го коментираше гувернерот на финската централна банка Оли Рен, цитиран од „Reuters“.
„Истражувачката фаза на дигиталното евро се очекува да заврши во октомври 2023-та година“, рече тој во говорот на Универзитетот во Калифорнија објавен во средата.
ЕЦБ потоа ќе одлучи дали да почне да го гради дигиталното евро, забележува банкарот.
За него, постојат неколку можни придобивки од воведувањето дигитална валута на централната банка, вклучително и проширување на опциите за плаќање на централната банка за да се вклучат поединци, а не само институции.
„Дигиталното евро ќе им даде на луѓето поголем избор за тоа како да плаќаат и ќе го олесни тоа во сè подигитализираната економија“, додаде тој.
Рен рече дека ограничувањата на приватните пари се „структурни“ и поради нивните нестабилни цени и ранливоста од сајбер ризици.
„Дигитална форма на сигурни пари на централната банка може да ја подобри стабилноста преку обезбедување на неутрален доверлив слој за порамнување во иднината на финансискиот систем“, додаде Рен.
Во јуни преку океанот, Федералните резерви склучија четиримесечна јавна консултација за прашањето на дигиталниот долар. Досега, гувернерот Џером Пауел зборуваше за поддршка на развојот на дигитални валути.
