Во Италија имало случај на 36-годишен маж на кој по враќање од петдневното патување во Шпанија, истовремено му биле дијагностицирани мајмунски сипаници, ковид-19 и ХИВ.
Девет дена по враќањето во Италија, пациентот развил симптоми, кои вклучуваат треска, болки во грлото, замор и главоболка, како и осип на левата рака, по што се појавиле плускавци во следните неколку дена, пренесува CNBC.
Откако бил хоспитализиран, низа тестови покажаа дека е позитивен на мајмунски сипаници, ковид-19 и ХИВ. ХИВ тестот на мажот покажал високо вирусно оптоварување.
Тој бил пуштен од болница по околу една недела, откако се опоравил и од мајмунските сипаници и од коронавирусот.
„Овој случај покажува како симптомите на мајмунска сипаница и ковид може да се преклопат и потврдува дека во случај на коинфекција треба да се испитаат сексуалните навики на пациентот за да се дојде до правилна дијагноза“, велат експертите од Универзитетот во Катанија.