Норвешка ја презеде водечката улога во снабдувањето со природен гас за Европа од Русија.
Нордиската земја планира да го задржи производството на природен гас на сегашните високи нивоа, изјави нејзиниот министер за енергетика за Ројтерс, додека Европа се бори со производството на електрична енргија што би можело да ја осакати нејзината индустрија, пишува Business Insider.
„Очекувам дека ќе можеме да ги задржиме нивоата на производство на кои сме сега до 2030 година“, рече норвешкиот министер за енергетика Терје Асланд.
Официјалните прогнози ја ставаат Норвешка на пат да го зголеми производството на природен гас за 8% оваа година, во споредба со 2021 година, и потенцијално да го сруши рекордот стар пет години.
Таа ја престигна Русија откако Москва го намали извозот на гас за да возврати на западните санкции. ЕУ во мај се согласи да воведе ембарго на руската нафта преку море, но допрва треба да го забрани или ограничи увозот на гас.
И покрај ова, Русија ја поттикна енергетската криза на континентот со ограничување на протокот на гас. Таа рече дека привремено ќе го затвори гасоводот Северен тек 1 во ненадејно тридневно исклучување следната недела, откако веќе го намали капацитетот на 20 отсто во јули.
Намалувањата на снабдувањето ги зголемија цените на европскиот природен гас, при референтните холандски фјучерси за гас TTF скокнаа за 220% од почетокот на јуни.
Но, иако Норвешка има намера да одржи големо производство на гас, таа не планира да ги намали цените за да ја направи европската енергија подостапна, рече Асланд.
„Пазарот во принцип е предвидлив. Кога има недостиг цените се високи. Тоа придонесува и за зголемено производство и гасот го насочува кон пазарите на кои им е најпотребен“, рече министерот.
