Шпанските медиуми јавуваат дека бремената сопруга на Рафаел Надал, Мери Циска Перело е примена во приватна клиника во Палма де Мајорка, каде најверојатно ќе и биде извршена итна операција.
Мери, која е во 31 недела од бременоста, моментално е под надзор на лекари за да избегне компликации, пренесува „Ел Периодико“.
Таа е во болница од понеделникот, а во последните неколку часа на клиниката биле видени нејзините родители, како и сестрата на Надал, Марибел Надал, која е и една од најдобрите пријателки на сопругата на Рафа, која ги зближила.
Рафаел Надал моментално се наоѓа во САД каде се подготвува за УС Опен.
Веста дека Мери е бремена први ја објавија медиумите во Шпанија, кога протекоа фотографии на кои се гледа нејзиниот стомак, набрзо и самите ја потврдија информацијата.