По целодневните интервјуа со кандидати, најверојатно работодавецот ќе ги заборави повеќето кандидати, затоа обидете се да издвоите со неколку „мали нешта“.
Можете да ги имате најдобрите квалификации, но на интервјуто за работа работодавецот, всушност, сака нешто повеќе.
Внимавајте да не се истакнете со некои негативни работи. Никогаш не треба да зборувате за поранешниот шеф со кој не сте се сложувале најдобро, ниту пак да ги озборувате вашите поранешни колеги.
Работодавецот знае дека постои причина поради која сте ја напуштиле претходната работа, но него го интересира зошто ја сакате токму оваа работа. Главниот аргумент не треба да биде „бегството од поранешниот директор“, бидејќи работодавецот може да помисли-доколку сега се жали, што ќе се случува за неколку месеци.
Затоа, покрај самодовербата, одличното CV и искрената желба за работа, понесете го со себе и позитивниот став од претходната работа.
