понеделник, 8 август 2022
ПочетнаЕКОНОМИЈАОд денеска пониски цени на бензините и дизелот

Од денеска пониски цени на бензините и дизелот

Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати во просек за 1,99% во однос на одлуката од 1.8.2022 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 3,171%, кај дизелот за 3,728%, кај екстра лесното масло за 4,476% и кај мазутот зголемување за 1,600%.

Малопродажните цени на бензините ЕУРОСУПЕР БС-95 и ЕУРОСУПЕР БС-98, се намалит за 2,00 ден/лит, додека малопродажната цена на ЕУРОДИЗЕЛ (Д-Е V) се намали за 2,50 ден/лит.

Малопродажната цена на екстра лесното масло за домаќинство (ЕЛ-1), се намали за 3,00 ден/лит.

Малопродажната цена на мазутот М-1 НС не се менува.

Од 5.8.2022 година од 00:01 часот максималните цени на нафтените деривати изнесуваат:

Моторен бензин ЕУРОСУПЕР БС – 95 93,50 (денари/литар)

Моторен бензин ЕУРОСУПЕР БС – 98 96,00 (денари/литар)

Дизел гориво ЕУРОДИЗЕЛ БС (Д-Е V) 93,00 (денари/литар)

Масло за горење екстра лесно 1 (ЕЛ-1) 91,00 (денари/литар)

Мазут М-1 НС 53,343 (денари/килограм)

Курсот на денарот во однос на доларот во изминатиот период по кој беа формирани цените со претходната пресметка е понизок за 0,224%.

НАЈНОВИ ВЕСТИ

ХОРОСКОП