Посетата на Тајван, која траеше неполни 24 часа, предизвика толкава тензија што се зборуваше за можна нова војна.
Поради претседателката на американскиот Конгрес, Ненси Пелоси, која веќе е на пат кон друга дестинација, Кина подигна авиони кои влегоа во зоната за воздушна одбрана на Тајван, па и тие ги подигнаа своите.
Кина веќе почна да ги спроведува своите закани – веќе во четвртокот најави започнување на големи воени, односно поморски и воздушни вежби со боева муниција, во шест зони околу цел Тајван, со три зони кои навлегуваат во Територијалните води на Тајван.
Како што јавува Би-Би-Си, двата кинески носачи на авиони со придружните воени бродови се упатиле кон Тајванскиот теснец.
„Светот се соочува со избор помеѓу демократија и автократија. Решеноста на Америка да ја зачува демократијата овде во Тајван останува облечена во железо“, рече Пелоси на денешната средба со тајванскиот претседател Цаи Инг-вен во Тајпеј. Пелоси веќе го напушти Тајван, но зад себе остави прилично опасна ситуација.
