Одбележувањето на Денот на руската морнарица во градот Севастопол на Крим денеска нема да се одржи поради нападот врз седиштето на Црноморската флота, објави гувернерот Михаил Развозаев на Телеграм.
Според него, седиштето на флотата наводно било цел на напад со дрон, во кој се повредени пет лица, пренесува ТАС С.
„Прославата е откажана од безбедносни причини. Ги замолувам граѓаните на Севастопол да останат смирени и доколку е можно да останат дома“, изјави гувернерот.
И Црноморската флота преку соопштение потврди дека се одложува прославата на Денот на морнарицата.
