Борбите продолжуваат во областа Керсон. Москва и Киев меѓусебно се обвинуваат за гранатирање градови и инфраструктура.
Руската армија тврди дека ја презела контролата над најголемата термоцентрала во Донбас – „Угљегорск“. Киев наведува дека ќе одговори на сите провокации и ја обвинува Москва дека ја тероризира Европа со цените на гасот и другите извори на енергија.
Москва предупредува дека нападите на Украинците во близина на нуклеарната централа „Запорожје“ може да имаат последици и надвор од регионот.
ЛНР: Руската војска ја презеде централата Угљегорск
Територијата на најголемата термоелектрана во Донбас, Угљегорск, е целосно исчистена од украински војници, изјави портпаролот на самопрогласената Луганска Народна Република (ЛНР) Иван Филипоненко.
„Територијата на термоцентралата во Угљегорск, која претходно беше под наша контрола, е целосно исчистена од непријателските сили“, изјави тој за Спутник.
Тој додаде дека следен чекор ќе биде нејзино деминирање.
Руските сили ги нападнаа предградијата на Киев
Руските сили утринава го гранатираа округот Вишгород во Киевската област, објави шефот на киевската регионална воена администрација Олексиј Кулеба.
Според него, целта била инфраструктурен објект, пренесува Униан. Според извештаите, руските сили ги гранатирале и Николаев и Харков. Градоначалникот на Миколаив, Олександр Сенкевич, објави дека во градот се слушнале силни експлозии, а градоначалникот на Харков, Игор Терехов изјави дека градот синоќа бил два пати цел на напад.
Над 20 ракети беа истрелани врз регионот Чернихив, пренесува Интерфакс.
