Во интервјуто кое Олена Зеленски, сопругата на украинскиот претседател Володимир Зеленски, го даде за „Вог“, таа зборуваше за времето кога го запознала својот сопруг, како и за војната без сценарио.
Олена Зеленски, долгогодишна сценаристка на комедии, главно е во сенка на нејзиниот сопруг актер, кој стана политичар, украинскиот претседател Володимир Зеленски.
Олена и Володимир се фотографираа за новиот број на магазинот „Вог“ и со читателите ја споделија приказната за својот живот.
Првата дама на Украина истакна дека го запознала Володимир во средно училиште. Почнале да се забавуваат додека студирале, а во 2003 година ја основале продуцентската куќа „Квартал 95“, пренесува РТС.
Володимир истакна дека го привлекува убавината на Олена, а парот има две деца Олександра и Кирил. Фото едиторијалот и целата приказна околу брачниот пар Зеленски предизвика контроверзни реакции во јавноста. Некои мислат дека не е време за оваа приказна, додека други сметаат дека е оправдана.
Коментарите се многубројни, а на социјалните мрежи украинскиот претседател најмногу е критикуван дека се забавува додека други умираат и ги губат домовите за својата татковина.
Фотографиите ги направи Ени Лебовиц, водечката светска фотографка, која е позната по своите профили на познати личности.
