Кинеските научници успеаја да произведат евтина верзија на руско нуклеарно торпедо кое може да се користи за погодување цели оддалечени илјадници километри.
Новото кинеско нуклеарно торпедо, наводно, има домет од 10.000 километри, а голем број од нив би можеле да бидат лансирани од речиси секоја подморница или воен брод, велат истражувачите од Пекинг.
Тие велат дека дизајнирале мала, евтина верзија на рускиот подводен дрон Посејдон, кој би можел да го помине Пацификот за една недела. Посејдон е руско нуклеарно оружје кое е хибрид од торпедо и дрон.
Тоа е застрашувачко оружје дизајнирано да предизвика цунами во близина на кој било крајбрежен град со нуклеарна боева глава. Русите тврдат дека нивниот Посејдон е практично незапирлив.
Кинеските научници тврдат дека рој од кинески нуклеарни торпеда може да го погоди брегот на Австралија за само една недела по лансирањето. Според плановите, Кина предлага да се состави голема флота од евтини „роботи убијци“ кои би можеле да ги носи секој воен брод или подморница.
Пекинг би можел да го користи оружјето за да ги нападне подморниците додека тие го напуштаат пристаништето во домашните води, до кои е тешко да се дојде до платформите со екипаж, објави South China Morning Post.
