Украинците ја враќаат својата територија – пресврт?

Украинските сили постепено се движат кон источниот дел на регионот Керсон, кој беше заземен од Русија на почетокот на војната, изјави украинскиот претседател Володимир Зеленски.

„Окупаторите се обидоа да воспостават упориште таму…но како тоа им помогна? Украинските вооружени сили чекор по чекор се движат кон таа област“, ​​рече Зеленски во синоќешното видео обраќање, пренесува Ројтерс.

Украинската армија истрела најмалку седум гранати во областа на хидроцентралата Хаковка во областа Керсон, објави во саботата воено-цивилната управа на областа, која е под руска контрола.

Украинската армија синоќа го нападна и мостот на реката Ингулец кај селото Дариевка во областа Керсон, се додава во соопштението.