Стапката на инфлација продолжува да урива повеќедецениски рекорди – и во еврозоната и во САД. Минатиот месец таа стапка беше 8,6 отсто во еврозоната и 9,1 отсто во САД, во споредба со истиот период пред една година.
Куповната моќ на населението значително слабее, а номиналните приноси на банкарските заштеди и орочените депозити не се ни приближно доволни за да се компензира загубата на вредноста на фиат валутите. Меѓу главните причини за високата инфлација која ги јаде заштедите и куповната моќ на граѓаните, често се издвојуваат нарушувањата на страната на понудата и побарувачката предизвикани од војната во Украина, енергетската криза во Европа, кризата со храна и претстојната глобална рецесија.
Во интервју за Блумберг, познатиот економист Нуриел Рубини вели дека наскоро нè очекува стагфлациско-должничка криза, еден вид синтеза на стагфлациските кризи од 80-тите и должничката криза од 2008 година.
Во светските медиуми се шират и најави за можна глобална рецесија во следните 12 месеци, која неодамна ја најави претседателот на Федералниот резервен систем на САД, Џером Пауел.
Не помалку утешни зборови имаше и шефицата на ММФ, Кристалина Георгиева, која изјави дека „не може да се исклучи глобалната рецесија“ и дека „во 2022 г. ќе биде тешко, а во 2023 година можеби уште потешко“.
Инвеститорите бараат безбедни засолништа
Додека светската економија и финансиските пазари се соочуваат со последователни кризи, многу инвеститори посветуваат сè поголема доверба во инвестирањето во злато, сметајќи дека тоа е безбедно засолниште за зачувување на вредноста за време на сите форми на социјални и економски нарушувања. Така, цената на златото во евра се зголеми за 8,7 отсто во првите шест месеци од 2022 година.
Во исто време, цената на златото забележа силен раст и кај другите важни светски валути како што се јапонскиот јен, британската фунта, индиската рупија и кинескиот јуан, со исклучок на американскиот долар, кој во последно време значително зајакна, охрабрувајќи го успехот на златото во другите светски валути.
Како што стојат работите во моментов, феноменот на висока инфлација ќе ни остане уште некое време, наспроти претходните предвидувања дека тоа е само привремен феномен. Во меѓувреме, побарувачката за злато има голем капацитет да расте и може да се очекуваат уште повеќе инвеститори.
Трендот на инвеститорите да се свртуваат кон златото не е нов бидејќи во многу историски прилики ја изгради својата репутација како инструмент кој најдобро ги штити вредностите на средствата на долг рок, со акцент на периодите на висока инфлација и хиперинфлација.
Дополнително, благодарение на кумулативното зголемување на цената на златото од 440% во последните две децении, гледано во евра, и во просек од над 8,6% на годишно ниво, инвеститорите кои инвестираат во злато лесно постигнуваат значителен принос.
Златото ги чува вредностите
Ако се вратиме на периодот на големата рецесија што започна во 2008 година, можеме да утврдиме дека цената на златото се зголемила за вртоглави 200 проценти во текот на трите рецесиски години, што значи дека не само што инвеститорите во злато ја штителе вредноста на нивните инвестиции во тој период, но остварија и значителни приноси, евентуално надоместувајќи ги загубите од други инструменти како акции и други хартии од вредност.
Сличен феномен следеше во 2020 година за време на малку пократката рецесија предизвикана од пандемијата на коронавирус, кога цената на златото порасна за повеќе од 30 проценти.
Многу инвеститори предвидуваат и појава на сличен феномен во претстојната глобална рецесија, која најверојатно не чека зад аголот.
Континуираните инфлациски стравови може да притиснат уште поголем број индивидуални инвеститори, централни банки, инвестициски фондови и други финансиски институции кон инвестирање во злато, кое традиционално се смета за безбедно засолниште во несигурни времиња.
Иако се соочуваме со веројатна рецесија и последователно зголемување на побарувачката и цената на златото, во моментов златото е сè уште релативно потценето, што значи дека од перспектива на искусните инвеститори, идеално време е да се купи по поповолна цена.
