Украина може да исчезне од светската мапа како земја, предупреди заменик-претседателот на Советот за безбедност на Русија, Дмитриј Медведев.
„По државниот удар во 2014 година, Украина ја изгуби својата независност и падна под директна контрола на колективниот Запад и почна да верува дека НАТО ќе ја гарантира нејзината безбедност. Како резултат на сите актуелни настани, Украина може да го изгуби и она што е останато од нејзиниот државен суверенитет и да ја снема од светската мапа“, напиша Медведев.
Тој нагласи дека „украинските криминалци дефинитивно ќе бидат кривично гонети за злосторствата извршени врз народот на Украина и Русија“, пренесува Тас.
