Украина побара од меѓународните кредитори да го замрзнат плаќањето на нејзините долгови на две години за да може да ги пренасочи финансиските ресурси во војната со Русија.
Соочувајќи се со проценет пад на БДП меѓу 35 и 45 отсто оваа година, украинскиот министер за финансии рече дека се надева дека ќе ги заврши преговорите и ќе обезбеди програма за репрограмирање на долгот од 20 милијарди долари до 9 август, пренесува Ројтерс.
Предлогот го поддржаа владите на најголемите западни земји како и најекспонираните инвестициски фондови, па навреме би стигнал договорот за одложување на отплатата на ратата од околу 1,2 милијарди долари што доспева на почетокот на септември.
Со цел да се избегне технички банкрот, Украина им понуди на доверителите дополнителна камата на замрзнатите средства.