„Renault“ го прекинува производството на еден од најпопуларните модели во својата историја – „Megane“, а тоа се однесува на варијантата со мотори со внатрешно согорување, која остана на производната лента цели 27 години и смени 4 генерации.
Последната генерација беше претставена на саемот за автомобили во Франкфурт во 2015-та година и излезе во продажба следното лето. Беше достапен како хечбек со 5 врати, седан и караван, а се произведуваше во Шпанија и Турција. „Megane“ исто така беше основа за последниот моќен спортски автомобил на „RenaultSport“ (RS) пред поделбата да стане „Alpine“. Токму „Megane RS“ во 2019-та година стана најбрзиот автомобил со погон на предните тркала на Нирбургринг.
На глобално ниво, „Megane“ придонесе многу за растот на продажбата на „Renault“. Најсилната година на моделот беше 2004-та година, кога беа продадени 465.778 примероци. Со последната генерација, врвот беше во 2017-та година – 168.000 единици, додека во 2021-ва година беа нешто повеќе од 70.000.
Наследникот на „Mеgane“ е хечбек со сличен концепт, но донекаде наликува на „SUV“. „Renault Mеgane E-Tech“ е изграден на истата „CMF-EV“ платформа како и новата „Ariya“ на сојузниот партнер на „Nissan“. Французите во 2024-та година ќе пуштат и технички речиси идентичен „SUV“, на кој ќе му биде вратено името „Scenic“.
По прекинот на производството на „Megane“, главната улога во C-сегментот на „CNG“ моделите на „Renault“ ќе ја има „Captur“. Компанијата ќе продолжи да го нуди помалиот „Clio“ како и купе-кросоверот „Arkana“. А местото на „Megane“ на производната лента во Паленсија (Шпанија) ќе го заземе хибридниот кросовер „Austral“, кој е поголем по димензии и треба да му конкурира на „Toyota RAV4“.