Украинскиот центар за истражување на храна и користење на земјиштето при Киевскиот институт КСЕ претстави нови податоци.
Имено, овој институт тврди дека Русите од почетокот на војната од Украина однеле повеќе од 613 милиони долари во жито и нафта.
Според еден од експертите на Центарот, Роман Нојтер, досега се оштетени или уништени полиња со жито со капацитет од четири милиони тони, објави украинската веб-страница prm.ua.
Некои од полињата се уште не се достапни, бидејќи се наоѓаат на територии окупирани од руската армија, се додава во извештајот на Центарот.
„Вкупниот износ на штетите и загубите од руската инвазија во земјоделството е 27,6 милијарди долари“, велат од Киев.
Меѓу нив, најголеми загуби се должат на неожнеаните култури во износ од 1,4 милијарди долари, како и поради уништената опрема – 926 милиони долари.