Европскиот производител на авиони „Airbus“ ја ревидираше својата прогноза за испораките на авиони во следните 20 години бидејќи зголемените трошоци за гориво ги поттикнуваат авиокомпаниите да бараат нови авиони со поекономична потрошувачка на гориво.
И покрај војната во Украина и забрзувањето на инфлацијата, „Airbus“ ја зголеми својата просечна прогноза за годишниот раст на глобалниот БДП во следните две децении на 2,6 отсто од 2,5 отсто претходно.
Сепак, патничкиот сообраќај ќе расте побавно – за 3,6% на годишно ниво наместо 3,9% што компанијата предвидуваше во ноември. Ова е делумно резултат на повисоките цени на горивото и емисиите на јаглерод кои ги зголемуваат цените на билетите.
Во исто време, „Airbus“ верува дека скокот на трошоците за гориво и енергија во голема мера ќе ги поттикне авиокомпаниите да ја забрзаат испораката на нови модели со штедливост. „Airbus“ предвидува вкупни испораки на 39.490 авиони во следните 20 години, што е повеќе од 39.020 од претходно предвидените.
Испораките се очекува да опфатат 38.600 патнички и 890 товарни авиони.
„Airbus“ сè уште очекува воздушниот сообраќај да се врати на нивоата пред пандемијата помеѓу 2023-та и 2025-та година.
Побарувачката од Азија, која беше движечка сила во воздухопловната индустрија во изминатата деценија, беше малку помала од претходната прогноза на европскиот производител. Но, сепак претставува 45% од планираните 20-годишни испораки на авиони.
Се очекува Кина да ги надмине САД како најпрометниот воздухопловен пазар во светот во следните неколку години.
Индија, чијшто домашен пазар се очекува да расте во просек од 6,6% годишно во следните две децении (повеќе од три пати од американскиот просек од 2,1%), исто така се очекува да игра главен двигател на растот.
Во текот на следните 20 години, се очекува силен раст на воздушниот сообраќај меѓу индискиот потконтинент и Африка, како и меѓу двете најголеми економии во светот, Кина и САД.
Околу половина од товарот во светот се транспортира по воздушен пат, а секторот цвета бидејќи компаниите ги зајакнуваат синџирите на снабдување. „Airbus“ забележува дека карго сообраќајот расте во просек за 3,2% годишно.
