петок, 31 март 2023
ПочетнаАВТОБИЗ„Alfa Romeo“ ја менува стратегијата - ќе прави масовни модели!

„Alfa Romeo“ ја менува стратегијата – ќе прави масовни модели!

По прекинот на производството на малиот хечбек „Giulietta“ и спортскиот автомобил „4C“ со среден мотор, опсегот на „Alfa Romeo“ беше намален на два модели – „Giulia“ и „Stelvio“. Затоа, Италијанците многу се обложуваат на новиот компактен кросовер „Tonale“, кој би требало значително да ја зголеми продажбата на марката.

Според претставниците на компанијата, ова ќе му овозможи на „Alfa Romeo“ да се трансформира од „емотивен бренд во рационален“. А дел од оваа стратегија е намерата на производителот да влезе во масовните сегменти, од кои првиот е оној на малите кросовери. Засега е познат како „Brennero“, а неговото појавување на пазарот е планирано за 2025-та година.

Познато е дека малиот „SUV“ добива и мотори со внатрешно согорување, но и целосно електрична варијанта. Всушност, ова ќе биде последниот модел на „Alfa Romeo“ со конвенционални единици, бидејќи по 2027-ма година италијанската марка ќе нуди само електрични автомобили.

Пред тоа, сепак, „Giulia“ и „Stelvio“ ќе претрпат мало дотерување. Двата модели ќе продолжат да се продаваат и со бензински и со дизел мотори уште неколку години пред „Alfa Romeo да стане производител на возила само на електрична енергија.

Веќе е познато дека новата генерација на седанот „Giulia“ ќе биде изградена на платформата „STLA Large“ и ќе има километража од околу 800 километри. Електричниот автомобил ќе добие и систем за брзо полнење.

НАЈНОВИ ВЕСТИ

ХОРОСКОП