Европската централна банка ја задржа основната каматна стапка на сегашното ниво од 0,50 проценти.
„Управниот одбор на ЕЦБ гласаше за задржување на основната каматна стапка на рекордниот минимум од 0,50 проценти“, се вели во соопштението на банката, пренесува агенцијата Франс прес.
Централната банка, исто така, ја задржа каматната стапка на депозитите на нула и маргиналната каматна стапка на еден процент.
Никој од аналитичарите или набљудувачите на ЕЦБ не очекуваше дека оваа институција ќе најави нови мерки, со оглед на неодамнешните знаци на подобрување на состојбата во еврозоната.
