За него се врзани многу контроверзии.
Борис Џонсон поднесе оставка и повеќе нема да ги извршува функциите на британски премиер и лидер на Конзервативната партија.
Владата на сега веќе поранешниот премиер неодамна беше погодена од скандал откако Крис Пинчер, еден од партиските функционери на Џонсон, ја напушти споменатата партија, поднесувајќи оставка и суспендиран од конзервативците поради инцидент во кој пипкаше двајца мажи на настан.
Џонсон првично се спротивстави на неговата суспензија, но на крајот попушти.
Сепак, ова не е единствената контроверзна ситуација која е, барем делумно, поврзана со Џонсон и неговото владеење.
Надлежните власти во Велика Британија го казнија Џонсон за кршење на законот за Ковид во Даунинг стрит, местото каде живее и работи британскиот премиер, со оглед на фактот дека на таа локација се одржуваа забави додека во текот на целиот период беа на сила рестриктивните мерки против корона вирусот, додавајќи на ова уште една необична случка во која недалеку од неговата канцеларија биле пронајдени траги од кокаин, што добива на тежина ако се земе предвид интервјуто на Џонсон во кое тој признал дека ја конзумирал недозволената супстанца.
Помеѓу 11-те споменати локации во британскиот парламент, каде со тестови за регистрација на дрога се потврдени траги од нелегална супстанца, има и тоалет кој е во непосредна близина на канцеларијата на Џонсон.
Тоа што британскиот премиер во интервју во 2007 година признал дека еднаш конзумирал кокаин придонесува споменатиот инцидент да биде уште посензационален.
-Го пробав на факултет и се сеќавам на тоа. Не почувствував никаков психоактивен или друг ефект, изјави Џонсон пред 15 години за британскиот магазин JQ.
Во понатамошниот разговор тој истакна дека има искуство и со уживање во марихуаната.
-Со тоа имав контакт во периодот пред факултетот – изјави тој, додавајќи дека е смешно што значително ја намалил консумацијата на факултет.
Џонсон тогаш рече дека е доста либерален во однос на марихуаната, но дека е сосема различно помеѓу времето кога ја користел и времето кога го дал ова интервју (во 2007 година). Напомена дека дрогата е многу лоша работа и не сака неговите деца да ја пробуваат.
На прашањето на новинарот Пирс Морган дали и сега (за време на интервјуто) би се дрогирал, актуелниот британски премиер одговорил дека има доволно силни „дроги“ во својот систем – адреналин и сл.
Борис Џонсон стана премиер на Велика Британија во 2019 година, а денеска и официјално поднесе оставка од таа функција.
