Германија забележа месечен трговски дефицит за прв пат од 1991 година, поради повисоките увозни цени.
Федералната служба за статистика објави дека во мај вредноста на извозот изнесувала 125,8 милијарди евра, додека вредноста на увозот е 126,7 милијарди евра, пренесува Бета, повикувајќи се на АП.
Тоа значи дека евидентираниот трговски дефицит на Германија изнесува една милијарда евра.
Зголемување на увозот поради инфлацијата
Во текот на мај извозот од Германија во Русија е намален за 30 отсто во однос на април, кога поради рускиот напад врз Украина и западните санкции, падна за 60 отсто.
Обемот на германскиот извоз во Русија во мај остана на помалку од 50 отсто во споредба со истиот месец лани.