На Фејсбук страница се појави ценовник од ресторан на грчкиот остров Миконос кој ги остави сите без зборови!
Една од омилените дестинации за одмор ширум светот е Грција, а туристите кои одат таму ги споделуваат своите искуства на социјалните мрежи. Најмногу коментираат за цените на храната и пијалоците и дали вреди да се оди на оваа дестинација. На Фејсбук страницаta „Greek Gateway“ се појави ценовник од ресторан на грчкиот остров Миконос, кој ги остави сите без зборови!
На ценовникот пишува дека пивото чини 50 евра, лигњите 150 евра, грчкиот специјалитет сувлаки 25 евра, шпагети со јастог 600 евра, а кафето 15 евра. Во описот на фотографијата стои:
„Вистинска приказна. Цените на Миконос се луди. Зошто да платите толку многу кога има 227 други грчки острови“, пишува на фотографијата.
Над 3.000 луѓе коментираа на оваа објава и повеќето беа шокирани од овие цени на Миконос, а некои во коментарите ги споделија своите искуства од различни места во Грција. Некои не се согласија дека сите ресторани на Миконос се толку скапи.
„Само што поминав една недела таму и јадевме во навистина убави ресторани и никогаш не потрошивме повеќе од 100 евра, вклучувајќи го и виното!!!“, „Зошто јас во 44 години посета на грчките острови го избегнувам Миконос како чума“, „Очигледно таму сакаат само богати луѓе. Тоа е класна дискриминација. Има уште многу убави грчки острови за посета!“„За 600 евра тој јастог подобро да ме послужи самиот тестенини“, „Дали сè се служи на чинии и чаши од 18k злато??? Само се прашувам“, се дел од бројните коментари.
Проверете го ценовникот, наводно испратен од туристите кои престојуваат таму:
https://www.facebook.com/GreekGateway/posts/5618206478223897
