29 март, 2024
ПочетнаЕКОНОМИЈАПорасна цената на нафтата, стравувањата од тесната понуда се поголеми од загриженоста...

Порасна цената на нафтата, стравувањата од тесната понуда се поголеми од загриженоста за рецесија

Цените на нафтата се искачија на 119 долари на меѓународните пазари во средата, бидејќи стравувањата од намалената понуда ја надминаа загриженоста за побарувачката поради слабеењето на светската економија.

На лондонскиот пазар цената на барелот беше повисока за 87 центи од претходното затворање и изнесуваше 118,85 долари. Вчера го затвори тргувањето со плус 2,89 долари.

На американскиот пазар денеска за барел се тргуваше по цена од 112,96 долари.

Пазарите вчера беа вознемирени од индициите дека главните производители Саудиска Арабија и Обединетите Арапски Емирати не можат значително да го зголемат производството, а извозот од Русија може да се намали со оглед на напорите на западните влади да ја ограничат цената на руската нафта.

Најголемите светски економии, собрани во Г7, одлучија да размислат за забрана на осигурувањето на руските пратки доколку цената на барелот ја надмине границата.

Нивните размислувања го турнаа во втор план стравот од рецесија што би значело намалена побарувачка за енергенси.

„Бидејќи речиси една петтина од глобалниот капацитет за производство на нафта денес е под некаков облик на санкции (Иран, Венецуела, Русија), заклучивме дека не постои практичен начин да се блокираат овие барели да пристапат до пазар кој е веќе екстремно строго снабден“, соопшти JP Morgan.

Аналитичарот Норберт Рукер од Јулиус Баер, пак, рече дека концептот на ограничување на цените е тешко да се разбере со оглед на различните цени на различни видови нафта и илјадниците актери во синџирот на снабдување.

„Клиентите би морале да се здружат во картел и да создадат веродостојна „закана“, а тоа се предизвикувачки задачи“, додаде Рукер.

Организацијата на земјите извознички на нафта (ОПЕК) и нејзините сојузници, вклучително и Русија, во средата започнаа серија дводневни состаноци, а извори велат дека шансите за голема промена во производната политика овој месец се мали.

НАЈНОВИ ВЕСТИ

ХОРОСКОП