Извори од „BMW“ потврдија дека овој баварски производител наскоро ќе ги претстави првите резултати од соработката со јапонската „Toyota“…
Од претходно е познато дека соработката меѓу овие две компании, помеѓу другото, ќе резултира и со заеднички развој, односно производство на најмалку еден спортски модел.
Кога станува збор за моделот на „BMW “, наводно се работи за „Z5 Roadster“, чиј концепт, според извори од компанијата, би можел да биде претставен наскоро.
Колку што е познато, „Z5“ визуено ќе се угледа на концептниот модел „ConnectedDrive“. Покрај дизајнот, „BMW“ за развојот на овој модел ќе биде задолжен за моторот и шасијата од пластика зајакната со карбонски влакна, додека „Toyota“ ќе биде задолжена за хибридната технологија.
