Најголемиот штрајк на железницата во последните 30 години во Велика Британија започна во вторникот, кога десетици илјади работници ги напуштија своите работни места поради спорот за платите, работните услови и работните места.
Овој штрајк може да биде почеток на понатамошни акции во индустријата, но и во целата економија во наредните месеци.
Штрајкот започна рано наутро, а се очекува на него да учествуваат над 40.000 работници кои, како што е најавено, треба да штрајкуваат во вторник, четврток и сабота, што ќе доведе до исклучување на железничката мрежа.
Поради штрајкот затворено е и лондонското метро.
Премиерот Борис Џонсон, кој е под притисок да направи што е можно повеќе за да им помогне на граѓаните да се соочат со најлошата економска криза во последните децении, рече дека индустриската акција дополнително ќе го забави закрепнувањето на компаниите од пандемиската криза.
Синдикатите најавија дека штрајковите на железницата би можеле да го означат почетокот на „летото на незадоволството“, на кој ќе им се придружат наставници, медицински лица, комунални работници, па дури и адвокати вклучени во индустриски акции. Сето ова се случува во светло на големите поскапувања на храната и горивата, кои ја туркаат инфлацијата кон стапката од десет проценти.
„Нашата кампања ќе трае онолку колку што е потребно“, изјави за новинарите во понеделникот генералниот секретар на RMT Railways, Мик Линч, според Ројтерс.
Премиерот Џонсон, од друга страна, ги прозиваше синдикатите дека им штетат на луѓето за кои тврдеа дека им помагаат.
„Со продолжување на овој штрајк, железницата ги спречува патниците, луѓето кои возат на работа, кои ги поддржуваат работните места на железничките работници и кои исто така влијаат на компаниите и социјалните заедници низ целата земја“, рече Џонсон.
Илјадници луѓе учествуваа на протестот организиран од синдикатот во саботата во центарот на Лондон.
Штрајковите се одржуваат во време кога патниците на британските аеродроми се соочуваат со хаос поради доцнење и откажување во последен момент, поради недостиг на персонал, а многу Британци мора да чекаат со месеци за нови пасоши поради доцнење во обработката.
Иако британската економија првично покажа силно закрепнување од пандемската криза, комбинацијата на недостиг на работна сила, прекини во синџирот на снабдување, инфлација и трговски проблеми по Брегзит доведе до ризик од рецесија.
Владата вели дека обезбедува дополнителна поддршка за милиони најсиромашни домаќинства, но вели дека зголемувањето на платите над стапката на инфлација ќе ја потресе економијата.
