Американскиот претседател Џозеф Бајден денеска изјави дека нема да ја посети Украина кога ќе отпатува во Европа подоцна овој месец на самит со сојузниците на Вашингтон.
Во своето обраќање пред печатот, тој рече дека верува оти постои голема веројатност Украина да стане членка на Европската унија, пренесува Ројтерс.
Лидерите на ЕУ се очекува да ја разгледаат препораката на Европската комисија за доделување кандидатски статус на Украина кон крајот на оваа недела, наведува британската агенција.