Учесниците на претстојниот самит на НАТО во Мадрид ќе објават дека Русија повеќе не е партнер на Алијансата, туку „закана за мирот и стабилноста“, изјави Јенс Столтенберг.
„Ќе изјавиме дека Русија повеќе не е партнер, туку закана за нашата безбедност, како и за мирот и стабилноста“, рече тој во интервју за таблоидот „Билд ам Зонтаг“.
Според него, во новиот стратешки концепт на НАТО ќе се спомене и Кина, чие зајакнување претставува предизвик за интересите, вредностите и безбедноста на НАТО.
Столтенберг претходно изјави дека новата стратегија на НАТО нема да ја гледа Русија како стратешки партнер. Русија е идентификувана како стратешки партнер во сегашната стратегија на Алијансата, усвоена во 2010 година.
Самитот на НАТО во Мадрид ќе се одржи на крајот на јуни.
Русија постојано укажува дека НАТО е фокусиран на конфронтација. Портпаролот на рускиот претседател Дмитриј Песков изјави дека натамошното проширување на Алијансата нема да донесе поголема безбедност во Европа и дека НАТО има агресивен карактер.
Русија започна воена операција во Украина на 24 февруари. Претседателот Владимир Путин нејзината цел ја нарече „заштита на луѓето кои осум години биле подложени на малтретирање и геноцид од режимот во Киев“.
