Алкалоид АД Скопје најпосакувана компанија за работа

Според анкетата “Која е најпосакуваната македонска компанија за вработување?”, која од неодамна ја направи порталот vrabotuvanje.com.mk, одговориле 1.468 испитаници. Најголемиот дел од нив, дури 41% се изјасниле дека би работеле за Алкалоид АД Скопје.

„Алкалоид ќе биде мојот избор, бидејќи е компанија со долгогодишно искуство и економски исплатлива на пазарот, со развиен систем на општествена одговорност. Грижата за здравјето на сите луѓе, а особено за здравјето на децата сама по себе е „благородна“ работа. „Верувам дека во оваа компанија можам многу да научам и да придонесам за иднината.“ „Бидејќи е една од најдобрите и најодговорните компании во Македонија и Европа. Остава простор за развој на младите луѓе и поголем интерес за целта во нивните животи“, се вели во еден од коментарите на испитаниците.

Следна компанија на листата е Макпетрол, а се изјасниле 14% од испитаниците. Во еден од коментарите за оваа компанија стои „Одлично организиран систем на работа“.

12% ја избрале ЕВН Македонија како компанија во која би работеле доколку имаат можност. „Одлични плати и работни услови“ – коментираат испитаниците.

Потоа следи Пивара Скопје, за која се изјасниле 8% од испитаниците, а 7% од испитаниците би работеле во Македонски Телеком.

1% од испитаниците се одлучиле за Млекара АД Битола, 2% за Прилепска Пиварница, по 3% за Зегин и А1 Македонија, а 4% би работеле во Витаминка.

Останатите 5% ја избрале опцијата „Друга компанија“.

Анкетата на vrabotuvanje.com.mk можете да ја погледнете тука.