Заменик-претседателот на Советот за безбедност Дмитриј Медведев го коментираше патувањето во Киев на францускиот претседател Емануел Макрон, германскиот канцелар Олаф Шолц и италијанскиот премиер Марио Драги.
Тој посочи дека европејците сакаат да го посетуваат Киев, но дека тоа не носи никаква корист и не ја приближува Украина до мирот.
-Европските љубители на жаби, џигери и тестенини сакаат да го посетат Киев, без никаква смисла. Ветија дека повторно ќе влезат во ЕУ, стари хаубици, се наполнија со вотка и се вратија дома со воз, како пред сто години. И се е во ред. Само што не ја приближува Украина до мирот. Часовникот отчукува, напиша тој на Твитер.
Италијанскиот премиер Марио Драги, францускиот претседател Емануел Макрон и германскиот канцелар Олаф Шолц утринава пристигнаа во Украина.
Лидерите на трите најголеми земји на Европската унија, Германија, Франција и Италија, се очекува да ја покажат својата поддршка за Украина преку посетата на Киев, непосредно пред одлуката на Брисел за статусот на украинската кандидатура за членство во Европската унија.
Во Украина денеска пристигна и претседателот на Романија, Клаус Јоанис.
