Рафинериите за нафта моментално заработуваат речиси пет пати повеќе од производството на бензин и осум пати повеќе од производството на дизел отколку пред една година.
Причината е немањето капацитет по прекинот на преработката во руските погони, покажуваат податоците.
Пред војната во Украина, голем дел од бензинот и дизелот што ги трошеше Европа се произведуваше во руските рафинерии и се увезуваше со танкери.
Иако снабдувањето не е целосно прекинато, денеска од Русија пристигнуваат далеку помали количества гориво бидејќи клиентите ги избегнуваа уште пред да бидат воведени санкциите кон Русија.
Залихите на гориво беа ниски пред нападот, а капацитетите за рафинирање не беа доволни ниту тогаш. Секторот не беше премногу профитабилен во последниве години и привлече малку инвестиции.
Затоа немаше доволно резервни капацитети за да се надоместат загубените руски деривати, објаснува Би-би-си.
Намалените залихи од Русија донесоа нови работни места во секторот, кој веќе работеше со полн капацитет, а недостатокот на капацитет, заедно со високите цени на суровата нафта, резултираше со рекордно високи цени на горивата, пренесува Ал Џезира.
Бидејќи капацитетот за рафинирање е недоволен, рафинериските маржи, разликата помеѓу трошоците за набавка на нафта и приходите од продажба на деривати, значително се зголемија.
„Постои вистинска криза во капацитетот на индустријата за производство на овие горива, што во голема мера се одразува на големопродажната цена на дизелот и бензинот“, изјави за Би-Би-Си Нил Крозби, висок аналитичар во OilX.
Тоа пак значи силен раст на профитот на рафинериите.
„Рафинериите во моментов „печатат“ пари“, рече Крозби.
Податоците на Refinitive потврдуваат дека бизнисот со рафинирање нафта денес е многу попрофитабилен отколку пред 12 месеци.
На 8 јуни минатата година, рафинериите заработија 9,26 долари за барел за производство на бензин и 6,84 долари за барел за производство на дизел.
Во средата заработиле 43,11 долари на бензин, речиси пет пати повеќе од лани, а на дизел 51,13 долари, речиси осум пати повеќе.
