Властите во Сингапур денеска објавија дека регистрирале голем број на заболени од денга треска, сезонска болест која се појави невообичаено на почетокот на оваа година, пренесуваат локалните медиуми.
Во таа земја, според написите, во Југоисточна Азија годинава се регистрирани повеќе од 11.000 случаи до први јуни, кога вообичаено започнува сезоната на денга треска.
Во истиот период лани биле пријавени 5.258 случаи.
Експертите предупредуваат дека ваквата статистика не само што треба да го загрижува Сингапур, иако неговата тропска клима е природно живеалиште за комарците од родот тигрести комарци кои го пренесуваат овој вирус, туку е проблем и за остатокот од светот.
Според последните написи, се верува дека поради глобалните климатски промени ваквите епидемии ќе станат почести и помасовно во наредните години.
Денга треската предизвикува симптоми слични на грип, како треска, силни главоболки и болки по целото тело, а во екстремни случаи може да дојде до крварење, отежнато дишење, откажување на органите, па дури и смрт, наведува Си-Ен-Ен.
