среда, 5 октомври 2022
ПочетнаСПОРТБИЗФондацијата „Марко Божиновски“ го најававува првиот меморијален ракометен турнир

Фондацијата „Марко Божиновски“ го најававува првиот меморијален ракометен турнир

Од 14-17.06.2022 година, на С.Ц „Марко Божиновски“ , во Ново Лисиче, Општина Аеродром, осум екипи на момчиња родени 2004-та година и помлади, од три држави, поделени во две групи, ќе се натпреваруваат за победнички пехар на премиернотот издание во чест на прерано починатиот млад ракометар.

Помина една година откако младиот ракометар и член на македонскиот национален тим, Марко Божиновски тивко си замина. Неговото заминување беше тивко, но веста за неговото заминување одекна далеку и гласно. Во негова чест и аманет, а имајќи предвид дека ракометот беше негов живот, љубов и животна определба, неговото семејство ја отвори Фондацијата „Марко Божиновски“  со визија вечно да живее неговиот лик и дело, поддршка на млади луѓе кои поседуваат талент но немаат можност да инвестираат во себе, но и всадување на спортски дух кај новите генерации, дух кој Марче го носеше во себе.

Водејќи се од визијата на Фондацијата, во сегментот на организација на спортски активности и настани за деца и млади, во периодот од 14 до 17 Јуни, 2022 година, Фондација „Марко Божиновски“ со особена чест и задоволство го најавува премиерното издание на Меморијалниот ракометен турнир „МАРКО БОЖИНОВСКИ“,  турнир за ракометари до 18 години на кој ќе учествуваат осум младински екипи, од 3 различни држави, Хрватска, Србија и Македонија.

Натпреварите ќе се играат по принцип 2х30 минути во две групи, со систем на натпреварување секој со секого во својата група. Прво пласираните екипи од групите ќе играат натпревар за прво место, второпласираните за трето итн.  Во случај на ист број на поени ќе се применат пропозициите на РФМ. Сите натпревари ќе бидат пренесувани во живо на YouTube.

Натпреварите од турнирот ќе се одиграат во спортскиот центар „Ново Лисиче“, Општина Аеродром, кој од минатиот октомври е преименуван во С.Ц „Марко Божиновски“

ГРУПИ И РАСПОРЕД НА НАТПРЕВАРИ:

           Група А                                                                                           Група Б

РК Војводина Нови Сад                                                                 РК Нексе Нашице

РК Пролет                                                                                    РК Алкалоид Скопје

РК Вардар Скопје                                                                           РК Голден Арт Скопје

РК Бутел Скопје                                                                             РК Еурофарм Пелистер Битола

Распоред на натпревари:

         14 Јуни 2022                                                                             15 Јуни 2022

17:30 РК Вардар – РК Бутел                                                          09:30 РК Војводина – РК Бутел

19:00 РК Голден Арт – РК Пелистер Еурофарм                       11:00 РК Пролет – РК Вардар

                                                                                                             16:45 – официјално отварање

                                                                                                             17:30 РК Нексе – РК Еурофарм Пелистер

                                                                                                             19:00 РК Алкалоид – РК Голден Арт

        16 Јуни 2022                                                                                     17 Јуни 2022

09:30 РК Нексе – РК Голден Арт                                                      09:00 РК Војводина – РК Нексе

11:00 РК Алкалоид – РК Еурофарм Пелистер                                 10:30 РК Нексе – РК Алкалоид

17:30 РК Војводина – РК Вардар                                                            Финални натпревари

 19:00 РК Пролет – РК Бутел                                               13:00 Натпревар за 7-мо место (А4 – Б4)

                                                                                         14:30 Натпревар за 5-мо место (А3 – Б3)

                                                                                         16:00 Натпревар за 3-мо место (А2 – Б2)

                                                                                         18:00 Натпревар за 1-мо место (А1 – Б1) 20:30 часот: Церемонија на доделување на пехари, медали и избор на најдобар голман, стрелец и играч на турниот, проследени со мала забава со ди-џеј на теренот на СЦ Марко Божиновски.
Засекогаш во нашите срца. Марче – живееш вечно!

НАЈНОВИ ВЕСТИ

ХОРОСКОП