Меркел ја осуди „варварската војна“ во Украина

Поранешната германска канцеларка Ангела Меркел во својот прв јавен говор оваа година ја поддржа работата на германската влада, ЕУ, САД, НАТО и други, со цел „да се стави крај на варварската војна“ во Украина.

„Мојата солидарност оди кон Украина, која беше нападната од Русија, и да го поддржам нивното право на самоодбрана“, рече Меркел во Берлин, која поднесе оставка на крајот на 2021 година.

Таа претходно беше критикувана дека се обидела да соработува со рускиот претседател Владимир Путин за време на нејзиниот 16-годишен мандат, особено поради тоа што се согласила за гасоводот Северен тек 2, јавува Би-Би-Си.

Тој проект конечно беше запрен од нејзиниот наследник Олаф Шолц, два дена пред почетокот на руската инвазија на Украина, која започна на 24 февруари.