Полска ќе добие поддршка за својата економија од договорите за помош на Украина, рече премиерот на отворањето на привремените станови финансирани и изградени од Варшава во украинскиот град кој во голема мера беше уништен за време на војната со Русија.
Земјата ќе има корист од можните договори за реекспорт на украинското жито, ќе и помогне на Украина да ја обнови инфраструктурата и да увезува енергија од соседот.
Полска е еден од најголемите финансиски поддржувачи на Украина од инвазијата од 24-ти февруари, но Матеуш Моравјецки рече дека помошта за Киев може да биде од корист и за полската економија.
„Денеска подготвуваме голем број договори меѓу конкретните министерства кои ќе и помогнат на Украина и ќе и дадат поттик на полската економија“, рече Моравецки на прес-конференција во Бородјанка, во близина на Киев.
„Тоа се, на пример, договори поврзани со извоз на украинско жито“, рече тој, додавајќи дека Полска може да стане економски центар за Украина. Полските железници ќе имаат корист од транспортот на украинското жито до пристаништата на Балтичкото Море.
Во време кога Русија ги контролира или ефективно ги блокира украинските пристаништа на Црното Море, испораката на жито од Украина е прекината од почетокот на инвазијата, а Москва ги обвинува западните санкции за кршење на извозот на жито и ѓубрива.
Моравјецки рече дека полското Министерство за инфраструктура ќе биде вклучено во патните и железничките проекти во Украина, а министерствата за внатрешни работи и за одбрана исто така работат на договори.
„Полските компании ќе учествуваат во обновата на Украина, но прво мора да ја ослободиме Украина“, додаде Моравецки.
Киев и Варшава разговараат за увоз на електрична енергија од Украина, што ќе ја поддржи стабилноста на енергетскиот систем на Полска и ќе и овозможи на Украина да ја искористи синхронизацијата на електричните мрежи со мрежата на ЕУ.
Во исто време, енергетските компании веќе испорачуваат опрема, вклучително и кабли и конвертори, за да помогнат во обновувањето на снабдувањето со електрична енергија во областите во Украина зафатени од војна.
По руската инвазија на Украина и бомбардирањето на локалните рафинерии, Полска и помогна на Украина со обезбедување бесплатно гориво за моторните возила. Сега најголемата рафинерија во земјата, „PKN Orlen“, и продава гориво на Украина, изјави во понеделникот министерката за клима, Ана Москва.
