Премиум брендот на „Volkswagen“ – „Audi“ има многу амбициозни планови, со оглед на тоа дека оваа компанија до 2019-та година планира да ја зголеми својата линија на „crossover“ модели од три на седум. Па така од фабриката во Инглоштад се најавуваат автомобили од малиот „Q2“ модел до ултра-луксузниот „Q9“.
Имајќи во предвид дека „Audi“ моментално ги нуди моделите „Q3“, „Q5“ и „Q7“, можеме да ги очекуваме „Q2“ и „Q4“ кои најверојатно ќе му се спротивстават на моделот „BMW X4“, додека „Q6“ ќе се натпреварува со моделот „BMW X6“.
Од друга страна ултра-луксузниот модел „Q9“ би можел да влезе во конкурентски однос со следната генерација на СУВ моделот на „Jaguar“ кој се очекува наскоро да се појави на пазарот.
Во истовреме и „Mercedes-Benz“ подготвува три нови кросовер модели кои ќе ги додаде на своите линии „GLA“, „GLC“ и „MLC“.