Шангај утре ќе премине во нова фаза на контрола на епидемијата на Ковид-19, која вклучува постепено нормализирање на животот, а властите ќе дозволат трговските центри и продавниците повторно да се отворат и луѓето во областите со „низок ризик“ да се вратат на работа, најавија градските официјални лица.
И железничкиот сообраќај ќе продолжи нормално, а ќе се зголеми и бројот на домашни летови до градот, објави денеска заменик-градоначалникот Зонг Минг на онлајн прес-конференција, пренесува Ројтерс.
Како што беше речено, бројот на лица на јавни места сепак ќе треба да се ограничи на 75% од капацитетот, а за влез сите ќе треба да достават негативен ПЦР тест, не постар од 72 часа.