Амбасадорите на земјите членки на ЕУ не успеале да постигнат консензус за шестиот пакет санкции против Руската Федерација на претпладневната средба, пред почетокот на самитот на лидерите на Унијата.
Иако претседателот на Европскиот совет Шарл Мишел беше оптимист дека шестиот пакет санкции ќе биде финализиран до денешната средба на лидерите на ЕУ, дипломатски извори од ЕУ наведуваат дека се уште има „неразјаснети детали“, особено кога станува збор за предложеното ембарго на руската нафта.
Претседателката на Европската комисија, Урсула фон дер Лајен, предупреди дека на состанокот на лидерите на ЕУ нема да се разговара за ембаргото за нафта. чиј премиер Виктор Орбан најави дека „на самитот на лидерите нема да зборува за санкции“.
Според агендата на дводневниот самит на ЕУ, лидерите вечерва ќе разговараат за начините за поддршка и помош на Украина, вклучително и финансиска и воена поддршка, а видео-врска ќе го вклучи и украинскиот претседател Володимир Зеленски.
Друга тема за вечера во Брисел ќе биде прашањето за енергијата и ограничувањето на растот на цените на енергијата во Европа.
На вториот ден од самитот, во вторник, на 31 мај, лидерите на ЕУ ќе ги разгледаат можностите за деблокирање на залихите на жито во Украина и нивниот извоз, како и ситуацијата на глобалниот пазар на храна.
Втората точка од дебатата на лидерите на ЕУ во вторник ќе биде заедничката безбедност и одбрана.
