Хрватскиот министер за сообраќај Синиша Хојдаш Дончиќ најави дека тендерот за продажба на „Croatia Airlines“ би требало да биде распишан до крајот на месецот.
Според него, најголемо интересирање за хрватскиот авипревозник би можеле да покажат компании од Далечниот исток.
Дончиќ изјави дека во Индонезија разговарал со главниот човек на тамошната авиокомпанија „Garuda“, која е заинтересирана за влез во „Croatia Airlines“, пренесуваат хрватските медиуми.
„Garuda“ најверојатно ќе се пријави на тендерот, бидејќи ние за нив сме интересни поради поврзаноста со земјите од ЕУ, бидејќи „Croatia Airlines“ лета на 31 дестинација во 15 држави“, изјави тој.
Покрај Индонезијците, за хрватскиот авиопревозник заинтересирани се и „China Southern Ailines“ и „Turkish Airlines“.
Државата продава удел од 49 проценти од „Croatia Airlines“. Приватизацијата на хрватскиот национален авиопревозник ќе биде спроведена во два круга – во првиот ќе биде прикажан интересот, а во вториот ќе бидат дефинирани условите за продажбата и докапитализацијата.
